أسئلة مضحكة ... اسئلة بتموت ( باللهجة السورية)

اسئلة بتموت ( باللهجة السورية)
شششششششششوفو قمة الذكــــــاء

متسطح بتختك ونايم ومطفي الضو ومتغطي بالبطانية بيجي واحد من أهلك بيفتح الباب ويقول : شو نايم ؟؟
((لأ !! عم ارقص.. بس الوضع بيوحي إني نايم))

************************

معزومين ع بيت جماعة، ولما بتدقوا الباب ..
بيفتح شي فهمان وبيقول بدهشة:هه إجيتوا ؟؟؟
((لا والله لساتنا عالطريق، في زحمة بشارع الحمرا))

************************

لابس أحلى لباسك ومتعطّر وشايل مفاتيح السيارة وجزدانك ورايح لبرات البيت،
بيجي حدا من أهلك بيسألك، شو رايحلك شي مشوار !!؟؟
((لا والله طالع عالأسطوح صلّح صحن الديجتال))

************************

حامل سماعة التلفون وعم تبلش تدق بالأرقام،
بيجيك عنصر مفاجئ من أهلك وعلى وجهه علائم الإستغراب والدهشة: بدك تحكي بالتلفون؟
((لأ شو إحكي !!! بس كنت عم جرب صوت طنة الأرقام ))

************************

حاطط راسك ونازل بهالكتب والدراسة، بيجي أبوك أو امك: عم تدرس؟
((لا والله ...!! عم غير زيت للسيارة))

هفففففففففففففففففف حلووووووو عني يااااااااااااااا Twisted Evil

» رسالة مضحكة