موضوع: نــكــث حــمــاصــنــة 2010 الأربعاء يوليو 07, 2010 12:26 pm
مرة واحد حمصي اتصل بالاستعلامات قلها عطيني رقم الاطفاء قالتلو 999 قلها يعني تلات تسعات قالتوو: اي قلها:اي انا ما عندي غير تسعة وحدة بالهاتف قالتلوو: بشرفك مانك حمصي قلها : مركبة كاشف يا ملعونة
*** *** *** *** ***
حمصي وقع عالدرج , عطاه الدكتور مرهم وقللو بتدهن محل ما وقعت... راح الحمصي دهن الدرج
*** *** *** *** ***
في واحد حمصي عم بيلعب بقنبله مر من جنبو جارو قلو لعما ما بتخاف لتنفجر رد الحمصي: وشو يعني عندي غيرا بالبيت
*** *** *** *** ***
كان في واحد حمصي بجنينة الحيوانات بمصر بدو يلاعب النمر قام مد راسو بقلب القفص و صاروا يصرخوا العالم قام قال الحمصي:شبكون خايفين شو رح آكلو!!!!!!!!!!!
*** *** *** *** ***
اتنين حماصنة عطالين بطالين كانوا قاعدين على الرصيف عم يتأملوا الرايح والجاية. شوي ووقفت قدامهم سيارة فيها واحد أجنبي نزل الشباك وسألهم : Hello guys! Do you speak English? قالوله: شووووو ؟ رجع سألهم: Est-ce que vous parlez français ? قالوله : شووووو ؟ رجع سألهم: Entschuldigen Sie, Sprechen Sie Deutsch ? قالوله : شووووو !!!! رجع سألهم : Habla Espa قالوله : شووووو !!!! رجع سألهم : Parla? Italiano قالوله : شووووو !!!! الزلمة يأس وشغل السيارة ومشي . قام قال واحد منهم للتاني : والله عيب علينا ! مو شايف إنو صار لازم نتعلم شي لغة أجنبية ؟ رد التاني : ليش بقى ؟؟؟ شوف هالحمار يللي مشي من شوي بيحكي خمس لغات بشو فادوه ؟؟؟؟؟
*** *** *** *** ***
محشش يدعي ربه لمدة 15 سنه يرزقه ولد اخيرا اجاه ملاك بالحلم وقاله: يافــهــمــان تـزوج
*** *** *** *** ***
حمصي بالجيش اسمه ثابت كل ما يصرخ الضابط ثابت يقول : نعم سيدي !!! الضابط يقول للحمصي : يابابا مو انت ، أنا قصدي اثبتوا . علم الضابط ان الوزير سيزورهم وقال : (( أكيد ثابت رح بيخرب علي مع الوزير ويفشلني ، فأحسن لي أطلعه اجازه )) يوم وصل الوزير صرخ الضابط : ثابت صرخوا باقي الجيش : طلع اجازه ياسيدي
*** *** *** *** ***
حمصي سألوه شو احلى صدفه بحياتك قالهم امي وابي تزوجوا بنفس اليوم
*** *** *** *** ***
حمصي أبوه عطاه كتاب دين, بعد اسبوع دخل على أبو و قلو بابا ...بدي اتحجب