محاورة بين حمار وإنسان . . . حمار فيلسوف

عم يتفلسف الحمار و يخاطب ابن آدم و يقلّه

قوّمت الدنيا و ما قعدتها لما قالوا عنك حمار

شو يعني اسمي شتيمة و لا جنسي شي عار؟؟؟

خلقني ربي و خلقك و ما حدا بإيدوا الاختيار

و أنا مهما زاد الحمل فوقي صابر على المشوار

لا بيوم أرفع عيني على جارتي و بصون الجار

و لا بيوم بطلّع على رزق غيري وبطقّ منو وبغار

و لا مهر أدفع لحمارتي و لا خواتم و لا سوار

و لا شقة أجمع بحقها و لا أجهز دار و لا مرتي حامل تتوحم بدها كافيار

و لا بنت تخرج عن طوعي و تجيب لي العار

و لا ابن يدمن و يهلوس و يوقع و ينهار

عايش بحالي و متهني وليش بدي احتار

باكل و بشرب و أنهق و ما في عندي أسرار

و عندي ابن آدم يخدمني ليل و نهار

خادم أمين من غير راتب و لا حتى إيجار

عرفت يا بني آدم مين فينا طلع الــحـــمـــــــار

BLACK-PEARL
الـــلـــــؤلـــــؤة الـــســـــوداء